Enavos 
Viver a moda autonoma, ma accumpagnada
Abitais Vus a moda autonoma en l'atgna abitaziun, duvrais dentant qua e là sustegn? U vulais Vus far proximamain il pass d'abitar a moda autonoma? Alura è la purschida d'abitar a moda assistida la dretga per Vus.
Organisar sez il mintgadi
Abitar a moda assistida vul dir independenza e segirezza a medem temp. Vossa persuna accumpagnanta vegn regularmain tar Vus a chasa e sustegna Vus in pèr uras.
Vus survegnis accumpagnament, tips pratics e sustegn en connex cun
- il tegnairchasa
- il diever da daners
- l'administraziun (posta, quints)
- las autoritads
- l'organisaziun da Voss temp liber
- Vus sez e cun auters
Vus decidais en tge secturs che Vus giavischais sustegn e quant savens che la persuna accumpagnanta vegn tar Vus.
Las persunas accumpagnantas
Las persunas accumpagnantas èn persunas da confidenza. Pro Infirmis las tscherna cun premura e las scolescha professiunalmain.
Custs
Per las purschidas d'abitar a moda assistida datti differentas pussaivladads da finanziaziun. Nus As cussegliain gugent.
stampar la pagina