Decleraziun davart la protecziun da datas

Pro Infirmis sa legra da Vossa visita sin nossa pagina-web e da Voss interess per nossa organisaziun. Questa decleraziun davart la protecziun da datas infurmescha las visitadras ed ils visitaders da la pagina-web da Pro Infirmis a moda transparenta davart la procuraziun da datas persunalas, davart l'intent da l'elavuraziun da quellas e davart lur analisa.

Cun acceder a questa pagina-web ed a las colliaziuns sin quella As declerais Vus d'esser d'accord che Vossas infurmaziuns vegnan rimnadas ed utilisadas tenor descripziun en questa decleraziun davart la protecziun da datas. Vus acceptais en pli che questa decleraziun davart la protecziun da datas po vegnir surlavurada en tscherts intervals tenor noss bainappreziar e senza notificaziun precedenta. I vala la decleraziun davart la protecziun da datas mintgamai vertenta il mument che Vus consultais questa pagina-web. Vossas infurmaziuns persunalas vegnin nus però a tractar da tut temp en accord cun la versiun da la decleraziun davart la protecziun da datas che era en vigur il mument che questas infurmaziuns èn vegnidas rimnadas.

Per Pro Infirmis è la protecziun da Vossa sfera privata da gronda impurtanza ed ella utilisescha Vossas datas persunalas tenor la legislaziun davart la protecziun da datas per la Svizra.

Rimnada ed elavuraziun da datas persunalas

Cun la visita da questa pagina-web vegnan arcunadas automaticamain datas en datotecas da protocol per in temp da maximalmain dudesch mais (vesair era „Cookies“ e „Plugins socials“).

En spezial cumpiglia quai Vossa adressa IP resp. l'adressa IP da Voss provedider da servetschs d'internet, la pagina-web d'access (da la quala Vus essas vegnì sin nossa pagina-web), il tip da navigatur, il sistem operativ e la plattafurma, paginas consultadas sin www.proinfirmis.ch, www.eurokey.ch, www.bildungsklub.ch e www.bueroleichtesprache.ch, temps d'access e data (en il sequent «datas da colliaziun»). Questas datas da colliaziun duain mussar co che las utilisadras ed ils utilisaders fan diever da questa pagina-web; ellas vegnan evaluadas per intents statistics (analisa da la rait – vesair sutvart) ed utilisadas per mesiras internas per meglierar la segirezza e la qualitad.

Cura che Vus As registrais en portals online, emplenis enquistas, As annunziais per newsletters u interagis en in'autra moda sin nossa pagina-web, transmettais Vus a nus infurmaziuns davart Vossa persuna sco p.ex. il num, l'adressa, l'adressa dad e-mail („datas da cuntegn“). Cun la transmissiun essas Vus d'accord che Vossas datas persunalas dastgan vegnir arcunadas, elavuradas ed utilisadas per intents da marketing e per l'intent inditgà da la relevaziun.

Newsletter

Sin nossa pagina-web proinfirmis.ch pon ins abunar newsletters. Las datas inditgadas cun abunar ina newsletter vegnan utilisadas sulettamain per spedir la newsletter, tant enavant che Vus na consentis betg ad in ulteriur diever. Vus pudais da tut temp terminar l'abunament via la funcziun correspundenta en la newsletter.

Protecziun da datas en connex cun annunzias per plazzas e proceduras da candidatura

Per il tractament d'annunzias per plazzas e da proceduras da candidatura valan las regulaziuns specificas da la protecziun da datas ch'ins chatta sin la pagina cun las offertas professiunalas.

Nagina surdada da datas persunalas

Vossas datas persunalas na vegnan ni vendidas a terzs ni partidas cun terzs ordaifer l'instituziun. Resalvada è la surdada da Vossas datas da vart da Pro Infirmis ad interpresas externas u mandataris externs en Svizra per realisar servetschs per Pro Infirmis e per ils servetschs surmenziunads. Durant l'utilisaziun da Vossas datas persunalas s'obligheschan questas interpresas e quests mandataris envers Pro Infirmis dad observar las leschas vertentas e nossas disposiziuns da la protecziun da datas. En pli vegnan Vossas datas rendidas accessiblas ad ulteriurs terzs mo, sche e tant enavant che quai è necessari tenor lescha vertenta, disposiziuns giudizialas u regulaziun uffiziala.

Dretg d'access, da rectificaziun e d'opposiziun

Sche nus elavurain Vossas datas persunalas, ans stentain nus cun mesiras adequatas da verifitgar che Vossas datas èn correctas ed actualas per ils intents, per ils quals ellas èn vegnidas registradas. Vus avais il dretg da survegnir da tut temp e gratuitamain infurmaziuns en scrit davart Vossas datas persunalas elavuradas da nus. Vus pudais trametter Vossa dumonda d'infurmaziun en scrit ensemen cun ina copia da Vossa carta d'identitad u da Voss passaport a l'adressa postala da la sedia principala da Pro Infirmis.

Vus avais ultra da quai il dretg da pretender la rectificaziun da datas persunalas incorrectas e la restricziun da l'elavuraziun correspundenta. Vus avais er il dretg da laschar stizzar Vossas datas persunalas, sche nus n'essan betg obligads u autorisads da conservar intginas da Vossas datas persunalas en il rom da las leschas e disposiziuns vertentas. Client*as da Pro Infirmis sa drizzan per il diever da quests dretgs a l'agentura en lur chantun. Per auters giavischs pon ins contactar il servetsch giuridic per e-mail a datenschutz@proinfirmis.ch.

Segirezza da datas

La transmissiun da datas a Pro Infirmis succeda via ina rait averta, transcunfinala ed accessibla a tuttas e tuts. La transmissiun tranter las utilisadras ed ils utilisaders da la website e Pro Infirmis è criptada. Tuttina na po betg vegnir exclus che datas transmessas en quella moda van a perder u ch'ins po reconstruir a basa dad ellas il contact cun Pro Infirmis. Quai po avair per consequenza che Vossas datas vegnan fatgas palais u che lur cuntegn vegn modifitgà. En pli pon datas ch'ins trametta via l'internet vegnir transmessas sur ils cunfins ora e cun quai er en pajais cun pretensiuns main severas che en Svizra quai che reguarda la protecziun da datas, era sche tant spedituras e spediturs sco era destinaturas e destinaturs sa chattan en Svizra. Pro Infirmis na surpiglia nagina responsabladad per donns directs u indirects che sa resultan da la transmissiun da datas tranter la persuna che visita la pagina-web e Pro Infirmis.

Pro Infirmis ha però prendì mesiras da segirezza che protegian las datas d'acziuns nunautorisadas e garanteschan l'autenticitad da la pagina-web, l'integritad da las datas e la confidenzialitad da las datas transmessas via la rait interna da l'instituziun.

Mo las collavuraturas ed ils collavuraturs che dovran las infurmaziuns correspundentas han access a Vossas datas persunalas. Ellas ed els èn obligads da salvar la confidenzialitad da las datas.

Arcunaziun da datas

Vossas datas persunalas conservain nus en accord cun las leschas applitgablas davart la protecziun da datas mo uschè ditg che quai è necessari per l'intent inditgà. Sut tschertas cundiziuns pudais Vus pretender che dats persunalas vegnian stizzadas u destruidas. En pli pudais Vus far valair in dretg da restrenscher u d'As opponer a l'elavuraziun da Vossas datas sco er in dretg da scumandar da dar vinavant datas a terzs. Client*as da Pro Infirmis pon da tut temp pretender da l'agentura en lur chantun che lur datas vegnian stizzadas. Ulteriuras utilisadras ed ulteriurs utilisaders pon sa drizzar a datenschutz@proinfirmis.ch.

Transferiment da datas a l'exteriur

Nus collavurain cun furniturs da servetschs che prestan lur servetschs d'ordaifer la Svizra. Nus pudain pia transmetter Vossas datas ad in destinatur ordaifer Voss pajais da dimora ed eventualmain en in pajais senza nivel adequat quai che reguarda la protecziun da datas. Sche nus avessan da transmetter datas persunalas en in tal stadi, essan nus obligads da garantir adequatamain la protecziun da Vossas datas persunalas, p.ex. sin basa da contracts che regleschan la transmissiun da datas cun ils destinaturs sco las uschenumnadas clausulas da contract standardisadas.

Cookies

Questa pagina-web utilisescha era cookies per pudair reconstruir l'utilisaziun da la website. Cookies èn pitschnas datotecas ch'in portal-web lascha enavos sin Voss computer, tablet u telefon, cura che Vus al visitais. Uschia po la pagina-web „tegnair endament“ durant in tschert temp tschertas endataziuns e configuraziuns (p.ex. login, lingua, grondezza da la scrittira ed autras preferientschas) e Vus na stuais betg reendatar quellas la proxima giada che Vus visitais la pagina-web u navigais en il portal. Sin nossa pagina-web faschain nus diever da nus cookies per analisar co ch'ella vegn utilisada. Quai vul dir cunzunt per arcunar Vossa eventuala participaziun ad in'enquista, la nizzaivladad dals cuntegns (per che Vus na vegnias betg dumandà danovamain da respunder ad ina dumonda correspundenta en ina fanestra pop-up)  u Vossa decisiun per (u cunter) l'utilisaziun da cookies sin quest portal. Era varsaquants videos sin nossas paginas utiliseschan cookies per far statisticas anonimas davart las paginas visitadas ed ils videos selecziunads.

Las infurmaziuns eruidas cun agid dals cookies na vegnan betg utilisadas per identifitgar Vus, ed ils cookies na servan a nagins auters intents che a quels menziunads qua. Acceptar ils cookies n'è betg exnum necessari per utilisar la pagina-web, ma ils cookies faciliteschan la navigaziun. Vus pudais bloccar u stizzar ils cookies en Voss navigatur. Co far quai pudais Vus leger qua: www.aboutcookies.org. Vus pudais stizzar tut ils cookies deponids sin Voss computer e configurar ils blers navigaturs uschia ch'il deposit da cookies vegn impedì. En quest cas stuais Vus forsa endrizzar a maun varsaquantas configuraziuns tar mintga visita d'ina pagina e quintar cun funcziuns restrenschidas.

Plugins socials

Questa pagina-web cuntegna plugins socials sco p.ex. il buttun "Like" da Facebook. Quests plugins socials effectueschan tar la visita da la pagina-web ina transmissiun da Vossas datas (adressa IP, data e temps da la visita etc.) al purschider respectiv. Quai capita automaticamain ed igl è tuttina, sche Vus avais cliccà il buttun u betg ubain sche Vus essas commembra u commember da questas raits socialas u betg.

Analisa da la rait

Per l'evaluaziun anonimisada da las datas d'utilisaziun nunpersunalas (datas da colliaziun) che gida d'identifitgar trends e da meglierar nossa purschida online vegn fatg diever da „Google Analytics“, in instrument che analisescha las activitads sin la pagina-web. Quai signifitga che questas datas na vegnan elavuradas betg mo da Pro Infirmis, mabain per incumbensa da Pro Infirmis era da Google. Google utilisescha questas infurmaziuns per evaluar Voss diever da la pagina-web, per cumpilar rapports davart las activitads sin la pagina-web e per prestar ulteriurs servetschs colliads cun l'utilisaziun da la pagina-web e da l'internet. Eventualmain vegn Google a surdar questas infurmaziuns er a terzs, tant enavant che la legislaziun prescriva quai u tant enavant che terzs elavuran questas infurmaziuns per incumbensa da Google. Vossa adressa IP transmessa da Voss navigatur en il rom da Google Analytics na vegn betg cumbinada cun autras datas da Google (vesair era las cundiziuns da Google Analytics sutvart). Questa pagina-web utilisescha Google Tag Manager che pussibilitescha l'administraziun da tags da la pagina-web. Il servetsch sez na registrescha naginas datas persunalas. El activescha però auters servetschs che pon tut tenor registrar datas. Sch'ins ha effectuà ina deactivaziun sin il nivel da la domain u dals cookies, persista quella per tut ils tags da tracking, premess ch'ella saja vegnida implementada cun il Google Tag Manager.

Marketing Automation Tool

Pro Infirmis utilisescha sin las paginas-web l'uschenumnada Marketing Automation. Il cookie dal Marketing Automation Tool vegn utilisà per reconstruir infurmaziuns davart paginas-web visitadas e colliaziuns cliccadas sin paginas-web. Quai capita surtut per furnir infurmaziuns che van a prà en spezial cun Voss interess. Vus pudais supprimer l'utilisaziun da quests cookies (vesair era cookies). Pro Infirmis renda dentant attent che Vus na pudais eventualmain betg utilisar cumplainamain tut las funcziuns e ch'i n'è forsa betg pussaivel pli da trametter infurmaziuns che premettan l'indicaziun da datas persunalas (p.ex. num ed adressa dad e-mail) via in formular sin la pagina-web.

La spediziun d'infurmaziuns succeda via Sales Force Marketing Cloud, en il sequent „purschider da spediziun“. Las disposiziuns da la protecziun da datas pudais Vus leger qua.

Ultra da quai po il purschider da spediziun tenor atgnas infurmaziuns utilisar questas datas en furma pseudonima, q.v.d. senza attribuir ellas ad in'utilisadra u in utilisader, per optimar u meglierar ils agens servetschs, p.ex. per l'optimaziun tecnica da la spediziun e la preschentaziun da l'e-mail u per statisticas davart ils pajais d'origin da las destinaturas e dals destinaturs dad e-mails. Il purschider da spediziun n'utilisescha però betg las datas da las persunas che retschaivan noss e-mails per s'adressar sez a quellas u per surdar las datas a terzs. 

Ils e-mails cuntegnan in uschenumnà „web-beacon“, q.v.d ina datoteca en la grondezza d'in pixel ch'il server dal purschider da spediziun cloma giu, cura che l'e-mail vegn avert. Durant quest pass vegnan rimnadas infurmaziuns tecnicas davart il navigatur e Voss sistem operativ ed i vegn eruì Vossa adressa IP ed il mument che Vus avais avert la newsletter. Questas infurmaziuns vegnan utilisadas per meglierar la tecnica dals servetschs a maun da las datas tecnicas ubain las purschidas per las gruppas en mira e lur disas da leger a maun dals lieus da consultaziun (determinabels cun agid da l'adressa IP) e dals temps d'access. En pli vegn eruì, schebain las newsletters èn vegnidas avertas, cura che quai è capità e tge colliaziuns ch'èn vegnidas cliccadas. La tecnica lubescha bain dad attribuir questas infurmaziuns a las singulas persunas che retschaivan in e-mail. Ni nus ni il purschider da spediziun n'avain però l'intenziun dad observar singulas utilisadras u singuls utilisaders. Las evaluaziuns gidan nus simplamain d'identifitgar las disas da leger da nossas utilisadras e da noss utilisaders, d'adattar noss cuntegns a lur basegns u da spedir differents cuntegns tenor interess individuals.

En il rom d'activitads da fundraising vegnan tramess SMS cun colliaziuns curtas. Questas colliaziuns curtas creescha la terza partida, la firma Okua GmbH cun sedia a Dresden (Germania). En quel connex na vegnan per regla memorisadas naginas datas persunalas, tant enavant ch'i na dat nagins indizis concrets per in abus gravant u ina cuntravenziun cunter las cundiziuns d'utilisaziun da l'Okua GmbH. Las disposiziuns davart la protecziun da datas dad Okua GmbH pon ins leger qua.

Donaziuns

Sin nossa pagina-web pudais Vus far a moda simpla ina donaziun u in pajament. Per quest intent pudais Vus utilisar cartas da debit, cartas da credit, SMS, TWINT, Paypal u in cedel da pajament cun code QR. La plattafurma certifitgada per pajaments electronics da l'interpresa RaiseNow è vegnida sviluppada spezialmain per organisaziuns caritativas ed ovras d'agid. RaiseNow ademplescha tut las directivas da las autoritads da finanzas sco er ils standards da segirezza IT ed è certifitgà tenor PCI-DSS (Payment Card Industry Data Security-Standard). Tut las transacziuns vegnan transmessas a moda segira per SSL. Las datas che Vus avais inditgà en connex cun la donaziun, pia l'import, l'intent specific da Vossa donaziun e Vossa adressa, arcunain nus en nossa datoteca da donaziuns.

Nus ans resalvain il dretg d'acquistar datas d'adressas da terzas partidas per meglierar noss process e furnir a Vus infurmaziuns relevantas.

Colliaziuns

Questa pagina-web po cumpigliar cuntegns da terzs u colliaziuns a websites da terzs che vegnan mess a disposiziun unicamain per optimar la navigaziun e per porscher infurmaziuns. Nus As rendain attent che questa decleraziun davart la protecziun da datas n’includa betg ils cuntegns u las paginas-web da terzs.

Sin cuntegns u paginas-web da terzs – incl. paginas-web da terzs cun colliaziuns a la pagina-web da Pro Infirmis u che mussan quella en frames resp. vegnan mussadas sin quella en frames – n'avain nus nagina influenza. Pro Infirmis refusa tutta responsabladad per la correctezza, la cumplettadad e la legitimitad dals cuntegns sin talas paginas-web e da lur colliaziuns ad ulteriuras paginas-web sco era per eventualas purschidas, servetschs e sumegliant sin talas paginas-web. L'utilisaziun da tals cuntegns u paginas-web succeda en Vossa atgna responsabladad.

Contact

Sche Vus avais dumondas detagliadas davart l'elavuraziun da Vossas datas persunalas, pudais Vus contactar la cussegliadra u il cussegliader per la protecziun da datas da Pro Infirmis (per e-mail a datenschutz@proinfirmis.ch). E-mails èn savens nuncriptads e pudessan vegnir legids da terzs. Per motivs da segirezza po Pro Infirmis prender mesiras adattadas per verifitgar Vossa identitad.

Pro Infirmis
Feldeggstrasse 71
Postfach
8032 Zürich